“యూసుఫ్ గూడ కు చెందిన బాలుడు అజిత్ రీల్స్ చేస్తుంటే పోలీసులు తీసుకెళ్లారు. మూడు రోజుల పాటు అతన్ని స్టేషన్ లో పెట్టారు. బాబు వాళ్ల అమ్మ వెళ్తే కూడా కనీసం చూపించలేదు. మైనర్ ను మూడు రోజుల పాటు స్టేషన్ లో ఎలా ఉంచుతారు? దీని మీద కొంతమంది హ్యూమన్ రైట్స్ కు కంప్లైంట్ చేశారు. హ్యూమన్ రైట్స్ కమిషన్ కూడా పోలీస్ డిపార్ట్ మెంట్ మీద స్ట్రిక్ట్ గా యాక్షన్ తీసుకోవాలి. మైనర్ బాబును మూడు రోజులు స్టేషన్ లో ఉంచటంతో అతనికి చాలా హెల్త్ ఇష్యూస్ వచ్చాయి. అతని వైద్యం ఖర్చు అంతా ప్రభుత్వమే భరించాలని హ్యూమన్ రైట్స్ కమిషన్ చెప్పింది. నిమ్స్ కు వెళితే మూడు లక్షల ఖర్చయింది. ప్రభుత్వం అది కూడా ఇవ్వలేదు. 

ఆ తర్వాత వెంటపడితే సీఎం రిలీఫ్ ఫండ్ కింద సగం మాత్రమే ఇచ్చారు. ప్రభుత్వమే తప్పు చేస్తుంది. కానీ అతని వైద్యం ఖర్చు భరించదు. ఆ బాబు మెంటల్ స్టేటస్ కూడా ఇబ్బందిగా మారింది. 

దాని కారణంగా స్కూల్ డ్రాప్ అవుట్ అవ్వాల్సిన పరిస్థితి వచ్చింది. ఆయన ఫ్యూచర్ ఏమవుతుంది? ప్రభుత్వం ఈ అంశాన్ని సీరియస్ గా తీసుకోవాలి.

ఖమ్మంలో సాదినేని రామారావు మర్డర్ జరిగింది. దాంతోపాటు అజిత్ అంశంపై డీజీపీతో మాట్లాడ్డానికి అపాయింట్ మెంట్ కోరాం. కానీ ఆయన నుంచి ఇప్పటి వరకు స్పందన లేదు. ఈ రెండు ఇష్యూస్ ను నేను ట్విట్టర్ లో పెట్టి వారికి ట్యాగ్ చేస్తాను. డీజీపీ గారు త్వరితగతిన స్పందించి అజిత్ విషయంలో న్యాయం చేయాలి.

కచ్చితంగా బాబు వైద్యం, విద్య విషయంలో ప్రభుత్వమే అండగా ఉండాలి. లేదంటే మేము న్యాయపోరాటం చేసి బాధ్యులపై చర్యలు తీసుకునేలా చూస్తాం”

The post పోలీసులు వేధించిన బాలునికి న్యాయం జరగాలి -కల్వకుంట్ల కవిత | Kavitha Seeks Justice for Minor appeared first on Telangana Jagruthi.

జాగృతి జనంబాటలో భాగంగా బీకే గూడ దాచారం పర్యటన

సనత్ నగర్ నియోజకవర్గంలోని బీకే గూడ దాచారం ప్రాంతంలో  పర్యటించారు. స్థానికులతో మాట్లాడి వారి సమస్యలు అడిగి తెలుసుకున్నారు. ఇండ్ల మధ్య చెత్త వ్యాన్లు నిలిపి ఉంచడం వల్ల దుర్గంధంతో ఇబ్బంది పడుతున్నామని స్థానికులు కవితకు గోడు వెల్లబోసుకున్నారు. వారితో కలిసి ఆ ప్రాంతాన్ని కవిత పరిశీలించారు. దాదాపు పదేండ్లుగా ఈ సమస్య అలాగే ఉందని, బీకేగూడ అంటే ఎవరూ గుర్తు పట్టడం లేదని డంపింగ్ యార్డు అనే పేరు పడిపోయిందని మహిళలు ఆవేదన వ్యక్తం చేశారు. అసాంఘిక కార్యకలాపాలకు అడ్డాగా ఈ ప్రాంతం మారిందని తెలిపారు. ఈ సమస్య పరిష్కారానికి కృషి చేస్తానని కవిత హామీ ఇచ్చారు. 

“దాచారం బస్తీలో నాలుగు ఎకరాల్లో చెత్త వెహికల్స్ ను నిలుపుతున్నారు. దీంతో చుట్టు ఉన్న ఇళ్లలో ప్రతి ఇంటికి ఇబ్బంది అవుతోంది. దీనికి సంబంధించి 12 ఏళ్లుగా ఎవరికీ చెప్పినా సమస్య తీరటం లేదని ప్రజలు చెబుతున్నారు. జనావాసాల్లో ఇలా చెత్త వెహికల్స్ కు ఎలా పర్మిషన్ ఇచ్చారు? జీహెచ్ఎంసీ పర్మిషన్ తోనే ఇక్కడ చెత్త వెహికల్స్ ను ఉంచుతున్నారా అన్నది ఎవరికీ క్లారిటీ లేదు. మొత్తం చెత్త డంపింగ్ యార్డ్ మాదిరిగా దీన్ని తయారు చేశారు. దీంతో ఇక్కడ అసాంఘిక కార్యకలాపాలు జరుగుతున్నాయి. గంజాయి తాగుతున్నారు. మొన్న దసరా పండుగ అప్పుడు ఒక మర్డర్ కూడా జరిగింది. మహిళలు, చిన్న పిల్లలు కూడా ఇక్కడ నుంచి వెళ్లాలంటే భయపడే పరిస్థితి ఉంది. వెంటనే ఇక్కడ చెత్త తీసుకొచ్చే ఆటోలు, డంప్ యార్డ్ ను తీసేయాలి. ఈ విషయంలో ప్రజల పక్షాన జాగృతి పోరాటం చేస్తుంది. ఇంత భయంకరమైన పరిస్థితులు ఉన్న ఈ ప్రాంతాన్ని అధికారులు వచ్చి చూడాలి. జనం బాటలో భాగంగా ప్రతి జిల్లా తిరుగుతున్నాం. ప్రతి జిల్లాలో ప్రజలు ఎదుర్కొంటున్న సమస్యలను ప్రభుత్వం దృష్టికి తీసుకొచ్చే ప్రయత్నం చేస్తున్నాం.”

దర్గా సందర్శన

జనంబాటలో పర్యటించిన తెలంగాణ జాగృతి అధ్యక్షురాలు కల్వకుంట్ల కవిత సనత్ నగర్ లోని దర్గా హజ్రత్ సయ్యద్ ఇబ్రహీం షా దర్గాలో చాదర్ సమర్పించారు.  ప్రత్యేక ప్రార్థనలు నిర్వహించారు.

The post నివాస ప్రాంతాన్ని డంపుయార్డు చేశారు – అధికారులు పర్యటించి పరిష్కరించాలన్న కవిత | సనత్ నగర్ బీకే గూడ దాచారం వాసుల గోడు appeared first on Telangana Jagruthi.

“బోయినిపల్లి స్కూల్ ను మన ఊరు- మన బడి కార్యక్రమంలో భాగంగా బాగు చేశారు. కానీ కాంపౌండ్ వాల్, సీసీ కెమెరాలు లేవు. వాటిని మేము ఏర్పాటు చేస్తాం. ఈ స్కూళ్లోనే అంగన్ వాడీని కూడా కలిపారు. అంగన్ వాడీలో హెల్పర్లు లేరు.

జనం బాటలో భాగంగా విద్య, వైద్యం మీద ఫోకస్ పెట్టాం. స్కూల్స్, హాస్పిటళ్లలో మౌలిక వసతులు ఎలా ఉన్నాయన్నది పరిశీలిస్తున్నాం. ఇండ్లు, ఇళ్ల పట్టాలు లేని వారి సమస్యలు కూడా తెలుసుకుంటున్నాం. మా వరకు చేయగలిగేది మేము ఒక సంస్థగా చేస్తాం. టాప్ టెన్ విద్యార్థులకు మా తరఫున స్కాలర్ షిప్ లు ఇస్తాం. అదే విధంగా ప్రభుత్వం సాధించే  వాటిని కూడా మేము చేయిస్తాం. ఏ జిల్లా కు వెళ్లినా  ప్రజల నుంచి ఆదరణ, సమస్యలు పరిష్కరించే అవకాశం ఉంటున్నది. 

ప్రజల సమస్యలను వీలైనంతగా మేము పరిష్కరిస్తాం. గత ప్రభుత్వంలో నన్ను నిజామాబాద్ కే పరిమితం చేశారు. 

అప్పుడు రాష్ట్ర వ్యాప్తంగా ఏం జరుగుతుందో చూడలేదు. తెలంగాణ వచ్చాక ఏం జరిగింది. ఏం జరగలేదన్నది జనం బాట కార్యక్రమం ద్వారా తెలుసుకునే ప్రయత్నం చేస్తున్నా. మేము చేయగలిగేవి చేస్తాం. మిగిలిన సమస్యలపై ప్రభుత్వంపై ఒత్తిడి తెస్తాం. మంచిని మంచి, చెడును చెడు అనే అంటాం. ఈ స్కూల్ ను బాగు చేశారు. బాగుందనే అంటాం. రాష్ట్రంలో ప్రతిపక్షం పట్టించుకోవటం లేదు. పాలక పక్షం అసలే పట్టించుకుంట లేదు. అందుకే జాగృతి జనం గళమై పనిచేస్తోంది.”

The post ఎస్సెస్సీ విద్యార్థులకు కవిత కానుక – హైదరాబాద్ – జాగృతి జనంబాటలో బోయినిపల్లి స్కూల్ సందర్శన appeared first on Telangana Jagruthi.

“హైదరాబాద్ కు కామధేనువుగా మారిన కూకట్ పల్లిలో రూ. 2 వేల కోట్ల  విలువైన భూములను ప్రభుత్వం అమ్మింది. కానీ కూకట్ పల్లి నియోజకవర్గం కోసం కనీసం రూపాయి కూడా ఖర్చు చేయలేదు. గ్లోబల్ రైజింగ్ సమ్మిట్ అని ఇప్పుడు గొప్పగా పెడుతున్నారు. కూకట్ పల్లిలో కనీస వసతులు లేవు. ఇక్కడ ఒక్క స్టేడియం కూడా లేదు. అసలు హైదరాబాద్ ను గ్లోబల్ సిటి అని ఎలా చెబుతున్నారు? జేఎన్టీయూ మెట్రో స్టేషన్ వద్ద విపరీతమైన ట్రాఫిక్ సమస్య ఉంది. కూకట్ పల్లి అంటే ఒక మినీ ఇండియా మాదిరిగా ఉంది. కానీ ఇక్కడ పేదవాళ్లు రెంట్ కు ఇళ్లు తీసుకునే పరిస్థితి కూడా లేదు. కనీసం ప్రభుత్వాన్ని అడిగే వాళ్లు లేకుండా పోయారు. 

ఓట్లు ఉన్నప్పుడు మాత్రమే వచ్చి ఓట్లు అడుగుతున్నారు. ఓట్లు లేనప్పుడు వచ్చి ప్రజల సమస్యలు తెలుసుకోవటం లేదు. పాలక పక్షం పట్టించుకోవటం లేదు. ప్రతిపక్షం అడగటం లేదు. అందుకే జాగృతి ప్రశ్నించే బాధ్యతను భుజాన వేసుకొని ముందుకు సాగుతున్నది. కూకట్ పల్లిలో భూములు అమ్ముడే కాదు. ఇక్కడ అభివృద్ధిపై కాంగ్రెస్ సర్కార్ శ్రద్ధ పెట్టాలి. ప్రజా సమస్యలపై యుద్ధ భేరియే మా జాగృతి చేస్తోంది.”

The post ప్రజా సమస్యలపై యుద్ధ భేరి – కల్వకుంట్ల కవిత | కూకట్ పల్లిలో జాగృతి జనంబాట appeared first on Telangana Jagruthi.

” మేడ్చల్ జిల్లా మూడు చింతలపల్లిలోని లక్ష్మాపూర్ గ్రామ రైతులు భూముల సమస్యతో ఇబ్బంది పడుతున్నరు. ఇద్దరు సీఎంలు వచ్చినా లక్ష్మా పూర్ నక్ష మారలేదు. వెంటనే లక్ష్మాపూర్ లో రెవెన్యూ సమస్యలు పరిష్కరించాలి. వందేళ్లుగా లక్ష్మాపూర్ నక్ష సరిగా లేకపోవటంతో దీన్ని సరిచేస్తామని గతంలో ఇక్కడ ఆగిన కేసీఆర్ గారు చెప్పారు. అదే విధంగా ధరణి ద్వారా ఈ గ్రామానికి నక్ష చేయటం జరిగింది. ఇలాంటి పరిస్థితి మార్చేందుకే ధరణి తెస్తున్నామని అసెంబ్లీలో కూడా కేసీఆర్ గారు చెప్పారు. శాటిలైట్ సర్వేలో కూడా చాలా ఇబ్బందులు, అవకతవకలు అయ్యాయి. దీంతో రైతులకు ఎప్పుడు కూడా సంపూర్ణంగా రైతుబంధు రాని పరిస్థితి వచ్చింది. 

అదే విధంగా ఐదు ఎకరాలకు రైతుకు ఎకరం, రెండు ఎకరాల రైతుకు అర్థ ఎకరం ఉన్నట్లు పడ్డాయి. పట్టా భూములను సైతం లావణి భూములుగా రికార్డుల్లో రాశారు. కేసీఆర్ గారు తప్పు చేశారు కాబట్టి మేము సరిచేస్తామని ఇప్పటి ముఖ్యమంత్రి రేవంత్ చెప్పారు. లక్ష్మాపూర్ కు వచ్చి ఇక్కడ ఉండి వారికి హామీ ఇచ్చారు. ధరణి గంగలో కలిపి భూమాత తెస్తున్నామని ఆయన చెప్పారు. ఆయన అధికారంలోకి వచ్చి రెండేళ్లు గడుస్తోంది. కానీ ఏమీ చేయలేదు. ఇక్కడ రైతులకు తీవ్రంగా ఇబ్బంది జరుగుతున్న పరిస్థితి. సీఎం రేవంత్ రెడ్డికి ఇక్కడి విషయాలన్నీ తెలుసు. రెండేళ్లు అయిన తర్వాత కూడా పాస్ బుక్కులు రాలేదు. రైతు భరోసా కూడా ఇక్కడి రైతులకు రాలేదు. లక్ష్మాపూర్ లో ఉన్న రెవెన్యూ సమస్యలన్నీ పరిష్కరించాలని డిమాండ్ చేస్తున్నాం. గ్రామస్థులతో కలిసి మేము ఈ సమస్య తీరే వరకు ఫైట్ చేస్తాం.”

The post లక్ష్మాపూర్ నక్షా మార్చండి – కల్వకుంట్ల కవిత | Laxmapur Jagruthi Janam Bata appeared first on Telangana Jagruthi.

భద్రాద్రి కొత్తగూడెం జిల్లా పాల్వంచలో ఇల్లందు మాజీ ఎమ్మెల్యే గుమ్మడి నర్సయ్య జీవిత చరిత్ర ఆధారంగా నిర్మిస్తున్న సినిమా ప్రారంభోత్సవంలో  తెలంగాణ జాగృతి అధ్యక్షురాలు కల్వకుంట్ల కవిత పాల్గొన్నారు. ఈ సందర్భంగా గుమ్మడి నర్సయ్య జీవితం ఆదర్శనీయమైందని కవిత పేర్కొన్నారు.

“అవినీతి రహిత, మానవత విలువలను కాపాడుతూ ప్రజలకు ఎలా సేవలు చేయాలో ఎప్పుడు మాట్లాడినా సరే…మనం గుమ్మడి నర్సయ్య గారినే ఆదర్శంగా తీసుకొని మాట్లాడుతాం. అందరికీ ఆదర్శప్రాయుడు గుమ్మడి నర్సయ్య జీవితాన్ని సినిమాగా తీసే ప్రయత్నం చాలా గొప్పది. వారి చరిత్ర మన తెలంగాణ సరిహద్దులు దాటి యావత్ భారత దేశంలో సినిమాగా రావటం…తెలంగాణ బిడ్డలుగా మనం గర్వించదగ్గ విషయం. డైరెక్టర్ పరమేష్  మన కామారెడ్డి బిడ్డనే. గుమ్మడి నర్సయ్య లాంటి గొప్ప వ్యక్తి  సినిమా తీస్తున్నాం.. ఆ కార్యక్రమానికి రావాలని నన్ను కోరారు. మేము జాగృతి జనంబాటలో బిజీగా ఉన్నప్పటికీ సమయం తీసుకుని ఇక్కడకు వచ్చాం. 

గుమ్మడి నర్సయ్య లాంటి వ్యక్తి మన తెలంగాణ బిడ్డ అని తలుచుకుంటేనే గర్వంగా ఉంది.  ఈ చిత్రాన్ని ఐదు భాషల్లో తీస్తుండటం మనస్ఫూర్తిగా అభినందించే విషయం. తెలంగాణ, కర్ణాటక ప్రభుత్వాలు రాయితీలు ఇచ్చి ఈ సినిమాను ప్రోత్సహించటం అభినందించాల్సిన విషయం. కానీ తమిళనాడు, మళయాళం, హిందీలో రాయితీ ఇవ్వలేదని చెబుతున్నారు. ఇప్పటికి కూడా సౌత్ ఇండియన్, తెలుగు సినిమా మీద ఉన్న చులకన భావాన్ని ఇది చూపిస్తోంది. ఇప్పటికైనా సరే సినిమా పెద్దలు, ముఖ్యంగా దిల్ రాజు మిగతా భాషల్లో కూడా ఈ సినిమాకు రాయితీలు ఇప్పించేందుకు ప్రయత్నించాలి. మనమందరం గర్వించే ఈ సినిమాను ఒక పెద్ద సినిమాగానే భావించాలని  కోరుతున్నా.”  

“ఈ సినిమాలో ప్రధాన పాత్రను పోషించేందుకు శివ రాజ్ కుమార్ అంగీకరించటం ద్వారా సినిమాకు వన్నె వచ్చింది. 

ఆయనను మనస్ఫూర్తిగా అభినందిస్తూ కృతజ్ఞతలు తెలుపుతున్నా. ఎంతో మంది యువకులు రాజకీయాల్లోకి వచ్చేందుకు ఈ సినిమా స్ఫూర్తిగా నిలుస్తుందని భావిస్తున్నా. ఖమ్మంలో, పాల్వంచ లో 1969, 2001 నాటి తెలంగాణ ఉద్యమకారులు చాలా మంది ఉన్నారు. కానీ వారందరికీ కూడా లభించాల్సిన ఆదరణ, రాజకీయ అవకాశాలు, ఆర్థిక స్వావలంభన, గౌరవం ఏదీ దక్కలేదు. 

వారికి అవన్నీ కూడా దక్కే వరకు పోరాటం చేస్తామని జనం బాట ప్రారంభంలోనే చెప్పాం. ఇక ముందు కూడా అదే విధంగా పోరాటం చేస్తాం. ఇవ్వాళ అంబేడ్కర్ వర్థంతి ఉంది. అందరం వారిని స్మరించుకుంటున్నాం. సబ్బండ వర్గాలకు రాజకీయాల్లో ప్రాధాన్యం లభించాలంటే సామాజిక తెలంగాణ అవసరం. ఈ పోరాటంలో ఉద్యమకారులను, అమరవీరుల కుటుంబాలను, అధికారానికి దూరంగా ఉన్న వర్గాలను కలుపుకొని పోతాం. ముఖ్యంగా అధికారానికి దూరంగా ఉన్న మా మహిళలను కలుపుకొని సామాజిక తెలంగాణ సాధిస్తాం.”

The post గుమ్మడి నర్సయ్యది ఆదర్శ జీవితం -కల్వకుంట్ల కవిత appeared first on Telangana Jagruthi.

యూపీహెచ్ సీని సందర్శన

కుత్బుల్లాపూర్ లోని షాపూర్ నగర్ యూపీహెచ్ సీని సందర్శించిన తెలంగాణ జాగృతి అధ్యక్షురాలు కల్వకుంట్ల కవిత గారు. యూపీహెచ్ సీ లో సమస్యలను పరిష్కరించాలని డిమాండ్. వంద పడకల హాస్పిటల్ చేస్తామని గతంలో చాలా మంది నాయకులు ఇచ్చిన హామీలను ప్రస్తావిస్తూ…తక్షణమే హాస్పిటల్ ను నిర్మించాలని కోరారు. 

కవిత గారి కామెంట్స్

“జనం బాటలో భాగంగా కుత్బుల్లాపూర్ లోని అర్బన్ ప్రైమరి హెల్త్ సెంటర్ ను ఇవ్వాళ పరిశీలించాం. 25 ఏళ్లుగా ప్రతి ఎమ్మెల్యే ఇక్కడ వంద పడకల హాస్పిటల్ కడతామని హామీ ఇస్తున్నారు. కానీ ఎన్నికల్లో గెలిచిన తర్వాత టైమ్ పాస్ చేస్తున్నారు. ఆ పార్టీ, ఈ పార్టీ అని కాదు. అన్ని పార్టీల నాయకులు కూడా ఇలాగే చేస్తున్నారు. ఇక ఆశా వర్కర్లు, ఏఎన్ఎం విషయంలో ప్రభుత్వం నిర్లక్ష్యంగా వ్యవహరిస్తోంది. వారికి ఎగ్జామ్ పెట్టి కనీసం ఇప్పటి వరకు కూడా రిజల్ట్ ఇవ్వలేదు. అదే విధంగా గతంలో ఎప్పుడో రిక్రూట్ అయిన వాళ్లకు వాళ్ల సినియారిటీ ప్రకారం వెయిటేజ్ ఇవ్వాలి. ముఖ్యంగా ఏఎన్ఎం లకు సరైన సమయానికి జీతాలు ఇవ్వాలి. ఆశా వర్కర్లు, ఏఎన్ఎంలకు ట్యాబ్ లు ఇస్తామని ఇవ్వలేదు. అర్థరాత్రి అని కూడా చూడకుండా వాళ్లను రిపోర్ట్ పెట్టాలని కోరుతున్నారు. 

దీంతో వాళ్లు చాలా ఇబ్బంది పడే పరిస్థితి ఉంది”. అని ఆవేదన వ్యక్తం చేశారు.

పరికి చెరువు పరిశీలన

కుత్బుల్లాపూర్ నియోజకవర్గంలో పెరికి చెరువును పరిశీలించిన తెలంగాణ జాగృతి అధ్యక్షురాలు కల్వకుంట్ల కవిత గారు. 60 ఎకరాల్లో విస్తరించి ఉండాల్సిన చెరువు సగానికి పైగా కబ్జా కావడంపై ఆందోళన వ్యక్తం చేసిన జాగృతి అధ్యక్షురాలు. 

కవిత గారి కామెంట్స్

“మేడ్చల్- మల్కాజ్ గిరి జిల్లాలో రెండో అతిపెద్ద చెరువైన పరికి చెరువును పరిశీలించాం. ఈ చెరువు 62 ఎకరాలు ఉంటే ఇప్పుడు మాత్రం 16 ఎకరాలకు కుదించుకుపోయింది. చుట్టు పక్కల వాళ్లు చెరువు పరిరక్షణ కోసం ఎన్నో కేసులు పెట్టారు. కానీ పొలిటికల్ మేనేజ్ మెంట్ చేస్తూ చెరువు తినేశారు. దీనిలో అన్ని పార్టీల వాళ్లు ఉన్నారు. 

ఇప్పటికీ కూడా ఇక్కడ నిర్మాణంలో ఉన్న ఇళ్ల పహానీలు చూస్తే ఎఫ్టీఎల్ లో ఉన్నట్లు చూపిస్తున్నాయి. ఎఫ్టీఎల్ లో ఉన్నప్పటికీ నిర్మాణాలకు ఎలా అనుమతిస్తున్నారు? ఎఫ్టీఎల్ అని రాసి ఉన్న రాళ్లను కూడా రియల్ ఎస్టేట్ మాఫియా భయం లేకుండా తీసేసింది. హైడ్రా కమిషనర్ గారు కచ్చితంగా దీనిపై చర్యలు తీసుకోవాలి. ఇక్కడి ఎమ్మెల్యే గతంలో టీడీపీ లో ఉండి బీఆర్ఎస్ లోకి వచ్చారు. రేపు ఎక్కడ ఉంటారో తెలియదు?ఆయన అండదండలతోనే చెరువు కబ్జా జరిగింది. ఇప్పుడు నిర్మాణంలో ఉన్న చాలా ఇళ్లు ఎఫ్టీఎల్ లోనే కడుతున్నారు. 

హైడ్రా కమిషనర్ గారు వాటిని కూల్చేయాలి. పేదవాళ్ల ఇళ్లే కాదు, పెద్ద వాళ్ల ఇళ్లను కూడా కూల్చేస్తామని మెసేజ్ ఇవ్వాలి. పరికి చెరువును హైడ్రా కమిషనర్ కాపాడాలని కోరుతున్నా. ఈ చుట్టు పక్కల అపార్ట్ మెంట్స్ ఉన్న ఉన్నాయి. వాటికి పార్క్ స్థలాన్ని రియల్ ఎస్టేట్ ఇవ్వాల్సి ఉంటుంది. మున్సిపల్ కు ఇవ్వాల్సిన గిఫ్ట్ డీడీని కూడా వాయిలేట్ చేస్తున్నారు. అయిన సరే మున్సిపల్ అధికారులు పట్టించుకోవటం లేదు. రియల్ ఎస్టేట్ మాఫియాతో ఎందుకు అంత అండర్ స్టాండింగ్ ఉందో చెప్పాలి?పరికి చెరువు కాపాడటంలో నేను ముందుంటాను. హైడ్రా కమిషనర్ గారు కూడా పరికి చెరువును కాపాడాలని కోరుతున్నా”. అని అన్నారు. 

జాగృతి లో చేరికలు

సూరారం కాలనీలో ప్రొఫెసర్ జయశంకర్ సార్ విగ్రహానికి పూల మాల వేసి నివాళులర్పించిన తెలంగాణ జాగృతి అధ్యక్షురాలు కల్వకుంట్ల కవిత గారు. కుత్బుల్లాపూర్ నియోజకవర్గంలోని మల్లంపేటలో తెలంగాణ జాగృతిలో చేరిన స్థానిక యువకులు, మహిళలు.. వారికి కండువా కప్పి జాగృతిలోకి ఆహ్వానించిన అధ్యక్షురాలు. 

డబుల్ బెడ్ రూమ్ ఇండ్ల పరిశీలన

చర్చి గాగిల్లాపూర్ లో అసంపూర్తిగా ఉన్న డబుల్ బెడ్రూం ఇండ్లను పరిశీలించిన తెలంగాణ జాగృతి అధ్యక్షురాలు కల్వకుంట్ల కవిత గారు. డబుల్ బెడ్రూం ఇండ్లు పూర్తి చేయకపోవడంతో అక్కడే చిన్న రేకుల ఇండ్లలో నివసిస్తున్న పేదలతో మాట్లాడి వారి సమస్యలు అడిగి తెలుసుకున్న తెలంగాణ జాగృతి అధ్యక్షురాలు. 

బీసీ రిజర్వేషన్ల కోసం ఆత్మహత్య చేసుకున్న ఈశ్వరాచారి కుటుంబానికి పరామర్శ

బీసీలకు 42 శాతం రిజర్వేషన్లు కల్పించాలని కోరుతూ ఆత్మహత్య చేసుకున్న సాయి ఈశ్వర్ చారి భౌతిక ఖాయానికి నివాళులర్పించిన తెలంగాణ జాగృతి అధ్యక్షురాలు కల్వకుంట్ల కవిత గారు. సాయి ఈశ్వర్ చారి భార్య, తల్లి, పిల్లలను ఓదార్చిన తెలంగాణ జాగృతి అధ్యక్షురాలు.  

కవిత గారి కామెంట్స్

“సాయి ఈశ్వరాచారి ని బతికించుకోలేకపోయాం .. ఇది చాలా బాధాకరమైన విషయం. బీసీల పట్ల కేంద్ర, రాష్ట్ర ప్రభుత్వాల ఉదాసీనత కారణంగా ఇలా చేశాడని చెబుతున్నారు. కేంద్ర, రాష్ట్రాల ద్రోహంపై మనం కొట్లాడాలి. కానీ ఇది పంథా కాదు. తెలంగాణ ఉద్యమంలోనే అనేక మందిని కోల్పోయాం. బీసీ రిజర్వేషన్లను బరిగీసి కొట్లాడి సాధించుకుందాం. ప్రాణాలు ఇవ్వటం మాత్రం సరికాదు. ఒక అక్కగా చేతులు ఎత్తి మొక్కి చెబుతున్నా. బీసీ రిజర్వేషన్లు సాధిస్తాం. గత రెండేళ్లుగా మనం కొట్లాడుతున్నాం. అందరి సమిష్టి పోరాటం కారణంగా బీసీ బిల్లులు వచ్చాయి. రాష్ట్రపతి వద్ద బిల్లులు ఉన్నాయి. ప్రజా పోరాటాల ద్వారా వాటిని సాధించుకుందాం. బీసీ బిల్లు ఘటం చివరి దశలో ఉంది. ప్రజా ఉద్యమాల ద్వారానే బిల్లు సాధ్యమవుతుంది. సాయి ఈశ్వరాచారి కుటుంబానికి మేమంతా అండగా ఉంటాం. ఆయనకు ముగ్గురు పిల్లలు ఉన్నారు. వారి కుటుంబాన్ని ప్రభుత్వం ఆదుకోవాలి. సాయి ఈశ్వరాచారి కుటుంబానికి ప్రభుత్వం ఇల్లు కట్టి ఇవ్వాలి. వాళ్ల తమ్ముడికి ఉద్యోగం ఇస్తే కుటుంబాన్ని చూసుకుంటాడు. మళ్లీ చెబుతున్నా. చావు అనేది సొలుష్యన్ కాదు. ఆ వైపు ఆలోచన చేయవద్దని కోరుతున్నా. ఖచ్చితంగా బీసీ బిల్లు సాధిస్తామని హామీ ఇస్తున్నా. ఈశ్వరాచారి మరణం దురదృష్టకరం. ఆయన ఆత్మకు శాంతి చేకూరాలి. స్వర్ణకారులు తమ లక్ష్యం పట్ల ఎంతో కమిట్ మెంట్ తో ఉంటారు. తెలంగాణ ఉద్యమంలో కూడా శ్రీకాంతా చారి ప్రాణాలు అర్పించాడు. ప్రొఫెసర్ జయశంకర్ సార్ తెలంగాణ ఉద్యమం కోసం జీవితాన్ని ఫణంగా పెట్టారు. ఈశ్వరాచారి కూడా స్వర్ణకారుల వృత్తి చేశాడు. బీసీ బిల్లు కోసం ప్రాణాలు అర్పించాడు. అయితే ప్రాణాలు ఇచ్చే పంథా సరికాదని విజ్ఞప్తి చేస్తున్నా”. అన్నారు.

The post జాగృతి జనం బాట – మేడ్చల్ మల్కాజ్ గిరి జిల్లా | Jagruthi Janam Baata Medchal – Malkajgiri on Day 2 appeared first on Telangana Jagruthi.

జాగృతి జనంబాటలో భాగంగా గురువారం రాత్రి మల్కాజిగిరి అసెంబ్లీ నియోజకవర్గం పరిధిలోని భూదేవినగర్ బస్తీని తెలంగాణ జాగృతి అధ్యక్షురాలు కల్వకుంట్ల కవిత సందర్శించారు. బస్తీ వాసుల దుర్భర జీవితాన్ని చూసి చలించిపోయారు. భూదేవినగర్ రైల్వే లైన్ కట్టను ఆనుకుని గుడిసెలు వేసుకుని నివసిస్తున్న పేదలను పలకరించారు. ఇంటింటికీ తిరిగి వారి సమస్యలు, అవసరాలు తెలుసుకున్నారు. సుమారు 350 కుటుంబాలు 40 ఏండ్లుగా కనీస సౌకర్యాలకు కూడా నోచుకోని జీవితాలు గడపడం పట్ల ఆశ్చర్యం వ్యక్తం చేశారు. రాష్ట్ర వ్యాప్తంగా అన్ని జిల్లాల్లో పర్యటించిన తనకు ఇట్లాంటి దుర్భర పరిస్థితులు ఎక్కడా కనిపించలేదని కవిత ఆవేదన వ్యక్తం చేశారు. ఈ ప్రాంతంలో ఎక్కువ మంది పాలమూరు నుంచి వలస వచ్చిన వారుగా గుర్తించిన కవిత నగర నిర్మాణంలో తమ చమటను రక్తంగా మారుస్తున్న పేదల పట్ల పాలకులు ఇంత నిర్దయగా ఉండటం దారుణమన్నారు. బూదేవినగర్ పేదలకు డబుల్ బెడ్ రూం ఇండ్లు వచ్చి తీరాలన్నారు. 

బస్తీ వాసులకు ఇండ్లు ఇప్పించే వరకు తాను విశ్రమింనని స్పష్టం చేశారు. తనవంతు తక్షణ సాయంగా బస్తీ వాసులకు 6 స్నానపు గదులను నిర్మించి ఇస్తానని సభా ముఖంగా కవిత హామీ ఇచ్చారు

The post పేదల పట్ల ఇంత నిర్లక్ష్యమా – కల్వకుంట్ల కవిత appeared first on Telangana Jagruthi.

“ఇక్కడున్న బండ చెరువు చాలా పెద్ద చెరువు. కానీ కబ్జాలకు గురై చిన్నగా అవుతోంది. చెరువులో గుర్రపు డెక్క పెరిగిపోవటంతో చుట్టు పక్కల ప్రజలు దోమల బెడదతో ఇబ్బంది పడుతున్నారు. చెరువు చుట్టు ఫెన్సింగ్ పూర్తి కాకపోవటంతో ఇక్కడే చెత్త వేస్తున్నారు. ఇక్కడేమో విచిత్ర పరిస్థితి.. బీఆర్ఎస్ ఎమ్మెల్యే ఉన్నారు. ప్రభుత్వం మాత్రం కాంగ్రెస్ ది ఉంది. మైనంపల్లి హన్మంతన్నదే ఇక్కడ నడుస్తుందంటున్నారు. ఎమ్మెల్యే గారు కానీ మైనంపల్లి గారు గానీ ప్రజల సమస్యలు తీర్చాలి.  మల్కాజ్ గిరి నియోజకవర్గంలో రైలుపట్టాల దగ్గర అండర్ పాస్ లు నిర్మించాల్సి ఉంది. ఎంపీ ఈటల గారు రైల్వే అండర్ పాస్ లు పూర్తి చేయించాలి.” 

“2014 నుంచి ఇక్కడ శిలాఫలాకలు ఉన్నాయి. ఈటల గారు కేంద్రంపై ఒత్తిడి పెంచి పనులు చేయించాలి. 

కాలనీలో అండర్ గ్రౌండ్ డ్రైనేజీ పనులు కూడా పూర్తి చేయాల్సి ఉంది. చెరువు ఓవర్ ఫ్లో అయినప్పుడు ఇక్కడ నీళ్లన్నీ వెనక్కి తన్ని కాలనీలు మునిగిపోతున్నాయి. ప్రజల సమస్య తీర్చాలని అన్ని పార్టీల నాయకులను కోరుతున్నాం. ఈ సమస్య తీరే వరకు మా జాగృతి నాయకులు పట్టు పట్టి పనిచేస్తారని హామీ ఇస్తున్నా.”

The post బండ చెరువు శుద్ధి చేయాలి -కల్వకుంట్ల కవిత | Banda Cheruvu Must Be Cleaned appeared first on Telangana Jagruthi.

” ఎన్నో కలలతో మనం తెలంగాణ రాష్ట్రాన్ని సాధించుకున్నాం. ఐతే వచ్చిన తెలంగాణలో కొన్ని పనులు జరిగాయి. కానీ జరగాల్సిన పనులు చాలా ఉన్నాయి. 

బీఆర్ఎస్ అధికారంలో ఉన్నప్పుడు కొన్ని పనులు జరిగితే…కాంగ్రెస్ వచ్చాక పరిస్థితి దారుణంగా తయారైంది. 

పెన్షన్ పెంచుతారని ఓటు వేస్తే ఉన్నవే వచ్చే పరిస్థితి లేదు. ఆనాడు రేషన్ కార్డులు ఇవ్వలేదని కాంగ్రెస్ నాయకులు మాట్లాడారు. కానీ ఇప్పుడు అదే పరిస్థితి ఉంది. వీటిని అడిగే వాళ్లు కచ్చితంగా ఉండాలి. అడిగేటోళ్లు ఉంటేనే సమస్యలు తీరుతాయి. ప్రభుత్వాలు మారినప్పటికీ మన పరిస్థితి మాత్రం మారటం లేదు. ఎందుకు మన పరిస్థితులు మారటం లేదో ఆలోచించుకోవాలి. ఇప్పుడు ఏ ఎన్నికలు లేవు. మన సమస్యల కోసమే మేము తిరుగుతున్నాం. పెన్షన్, రేషన్ కార్డులు ఇవ్వాలని అడిగే వాళ్లు ఒకరు ఉండాలి. ఆ అడిగే పనిని నేను తీసుకున్నా. ఇది ఓట్ల పోరాటం కాదు. సీట్ల కోసం ఆరాటం కాదు. ఓట్లు ఉన్నప్పుడే పార్టీల నాయకులు వస్తారు. కానీ ఓట్లు లేనప్పుడు కూడా జాగృతి మీతో ఉంటుంది. “

 ” నేను 20 ఏళ్లు బీఆర్ఎస్ నా పార్టీ, నా కుటుంబ పార్టీ అని పనిచేశాను. కానీ ఎందుకో కనికరం లేకుండా నన్ను సస్పెండ్ చేసి రోడ్డు మీద వేశారు. అయినా ఏమాత్రం భయపడలేదు. ఎందుకంటే ఉద్యమంలో కూడా రోడ్ల మీదే ఉండి పోరాటం చేశాం. మళ్లీ తెలంగాణ ప్రజల కోసం రోడ్లపై ఉండి పోరాటం చేస్తాను. చాలా మంది పార్టీ అండ లేదు. నువ్వు ఏం చేస్తావని అడిగారు. ఆడబిడ్డలు గట్టిగా అనుకుంటే ఏదైనా చేస్తారని నిరూపించేందుకే నేను పోరాటం చేస్తున్నా. నేను చేసేది తప్పు కాదు. బీద ప్రజల కోసం పంతం పట్టి ముందుకు పోతున్నా. అంత పెద్ద తండ్రి నీడ నా మీద లేదు. కానీ  తెలంగాణ ఆడబిడ్డల నీడ ఉందని నమ్మి ముందుకు వెళ్తున్నా. “

 ” తెలంగాణ ఉద్యమంలో ఎంతో మంది ప్రాణ త్యాగం చేశారు. వారి పాడె మనం మోశాం. 12 వందల మంది చనిపోతే 540 మందికి మాత్రమే సాయం చేశారు. తెలంగాణ ఉద్యమం కోసం ఆస్తులు అమ్ముకున్న వాళ్లు చాలా మంది ఉన్నారు. కానీ వాళ్లు కనీసం వార్డు మెంబర్ కూడా కాలేని పరిస్థితి వచ్చింది. ఉద్యమంలో పాల్గొన్న వారందరికీ న్యాయం జరగాల్సిన అవసరం ఉంది. గట్టిగా అడిగితే ఏదైనా అవుతుంది. అడిగే వాళ్లు కచ్చితంగా ఉండాలి. “

“ఇవ్వాళ మేము మేడ్చల్- మల్కాజ్ గిరి జనంబాటకు బయలుదేరాం. పొద్దున ఓ చెరువును సందర్శించాం. మేము వస్తున్నామని తెలిసి మూడు రోజులుగా చెరువును క్లీన్ చేస్తున్నారు. ఉప్పల్ లో రోడ్డు బాగాలేదని మాట్లాడితే అక్కడ పనులు మొదలు పెట్టారు. అందుకే అడిగేటోళ్లు ఉంటే కచ్చితంగా పనులు అవుతాయి. ఇప్పుడు మల్కాజ్ గిరి వెళ్తున్నాం. అక్కడ ఎన్నో ఏళ్లుగా రైల్వే బ్రిడ్జి పెండింగ్ లో ఉంది. మేము వెళ్లి అడిగిన తర్వాత కచ్చితంగా రైల్వే బ్రిడ్జి కూడా వస్తుంది. ఆర్పీలకు జీతాలు పెంచాల్సిన అవసరముంది. ఆశా వర్కర్లు మన ఆత్మీయులు. వారికి జీతాలు పెంచాలి. బతుకమ్మ చీరలను గ్రూప్ లలో లేని మహిళలకు కూడా ఇవ్వాలి. మహిళలకు రూ. 2500 ఇస్తామన్నారు. ఎవరికైనా వచ్చాయా? తులం బంగారం ఎవరికైనా వచ్చిందా? రూ.2500 ల కోసం కూడా పోరాటం చేస్తాం. అడిగితేనే ఎవరికైనా పనులు అవుతాయి. ఆటో డ్రైవర్లకు రూ. 12 వేలు, వారికి వెల్పేర్ బోర్డు ఏర్పాటు చేయాలి. ఆర్టీసీలో తొలగించిన వారిని వెంటనే రిక్రూట్ చేసుకోవాలి. ఇప్పటికే ఆర్టీసీ ఎండీ ని కలిసి ఈ విషయం పై మాట్లాడాను. వారిని ఉద్యోగంలోకి తీసుకునే వరకు కూడా పోరాటం చేస్తాం.”

The post ప్రశ్నిస్తేనే ఫలితం ఉంటుంది -కల్వకుంట్ల కవిత – మౌలాలిలో మహిళలతో సమావేశం appeared first on Telangana Jagruthi.